ابڙو اڪيڊمي Abro Academy
2020-07-19
داخلا نمبر 586
عنوان ٻوڙو وڏو (وڏو سرمائي ملهالو)
شاخ پکي
پڙهيو ويو 365
داخلا جو حوالو:
ٻوڙو وڏو (وڏو سرمائي ملهالو)
25 سينٽي ميٽر ڊگهي هن ملهالي جو مجموعي رنگ روپ اڇو ڪارو ۽ سرمائي آهي، ان هوندي به رنگن جي ورڇ ڏاڍي سهڻي اٿس. پيشاني ۽ چهنب کان وٺي اک ۽ ڪياڙي تائين ڪارو پٽو اٿس. مٿو ۽ پٺي سليٽي سرمائي رنگ جي ۽ پَـرن جا پاسا ڪارا اٿس جن تي اڇي رنگ جون ننڍيون پٽيون هونديون آهن . پڇ جو پاڙ وارو حصو سليٽي ۽ پويون حصو ڪارو اٿس. خشڪ ۽ کليل ميدانن ۾ چڱو پکڙيل پکي آهي خاص ڪري اتي جتي ٽڙپکڙ وڻ ۽ ٻوڙا ٿين ٿا. هي پکي ماحول: 3 ۾ رهي ٿو.